Informoj - Komuna Loghejo 2 - Casa Club

Karegaj,

Se via komuna loghejo estas "CASA CLUB", nepre informighu:

Komuna Loghejo 2: Casa Club (R$ 35,00/nokto)

Casa Club: http://www.casaclub.com.br/

Adreso:
Rua (Strato) Mourato Coelho, 973 – Kvartalo Vila Madalena
São Paulo - SP, 05417-011, Brazilo
+55 11 3798-0051

Inkluzivite: matenmangho, kuirejo, bagaghloko, tri komputiloj por aliro al interreto, privata senkabla interreto, naghejo, aneksa drinkejo kun muzikprezentado (VIP-aliro), restadspaco, ghardeno, bantukoj, litotukoj.

Banchambroj kaj necesejoj: privataj banchambroj en chiu chambro; la banchambro de la 16-lita chambro havas internaj dividoj por kolektiva uzo. Varma akvo.

Parkejo: ne estas, tamen eblas parki sur la strato de la hostelo, kie estas normalaj vakoj. Lau informo de la hostelo, estas najbaraj parkejoj kontrau la pago de ch. 20 realoj por tago.

Bantukoj kaj litotukoj: sufichaj por chiuj gastoj.

Metroo: Stacidomo Faria Lima (17-minuta piedirado)

Iri kaj reveni de la loghejo al la kongresejo:

Per auto: 14 min. (iro), 12-13 min. (reveno)

Per buso: 39-41 min. (iro), 22 min. (reveno)

Piede: 54-56 min. (iro), 53-56 min. (reveno)

Kongresejo (Faculdades Santa Marcelina):

Strato Doutor Emílio Ribas 89 – Kvartalo Perdizes
São Paulo, 05006-020, Brazil, Metroo: Stacidomo Marechal Deodoro

Por atingi la komunan loghejon de la internacia flughaveno Cumbica (Guarulhos):

# per taksio:

- ghi estas la plej rapida, tamen ankau plej kosta, maniero (vidu la longan vojon sur la mapo):

Simpla taksio:

Flago 1: R$ 93,76

Flago 2: R$ 119,54

Speciala taksio:

Flago 1: R$ 116,44

Flago 2: R$ 148,75

Luksa taksio:

Flago 1: R$ 138,77

Flago 2: R$ 177,61

Mi tamen rekomendas ghin se vi alvenas grupe (eblas do dividi la koston) au se vi alvenas kun multe da bagaghoj. Nepre konfirmu tiujn prezojn che la shoforo antau ol preni la servon.

# per buso/metroo:

- prenu la buson de la "Airport Bus Service" al la metrostacidomo Tatuapé. La buso ekiras de la alvenejo de la flughaveno kaj kostas chirkau 4 brazilajn realojn. La iro de la flughaveno ghis la metrostacidomo estas ne tiel rapida, do ne pensu esti en la erara vojo se la metrostacidomo ne tiel rapide alvenas. La stacidomo Tatuapé servas buse-trajne-metroe. Tie en la metroo Tatuapé prenu la rughan linion ghis la stacio Sé. Sekve prenu la bluan linion direkten al Jabaquara kaj elmetroighu en la stacio Paraíso. En tiu stacio prenu la verdan linion, direkten al Vila Madalena. Chi tie vi povas elekti:

1) elmetroighu en la stacio Clínicas, che la Avenuo Dr. (Doktoro) Arnaldo. Che la stacio prenu la buson 701A Vila Madalena kaj elbusighu je la dua bushaltejo de la Strato Mourato Coelho (strato de la hostelo Casa Club). Piediru kelkdeke da metroj kaj atingu Casa Club.

2) elmetroighu en la stacio Consolação kaj ene de ghi sekvu la indikojn por la flava linio. Vi atingos la stacion Paulista (flava linio) per subtera piediranta vojo. Prenu la flavlinian metroon kaj elmetroighu en la sekva stacio, Faria Lima, kiu estas la plej proksima de la hostelo Casa Club (vidu mapon).



Iomete longa vojo, sed la plej malmultekosta, char la flughaveno malproksimas pli ol 30 km de la kongresejo/loghejo.

Se necese, alvoku min, Fernando, per tiu numero: +55 79 8131 7084. Mi ne scias chu mi povos helpegi, sed mi provos.

Aliajn detalojn mi ankorau pritraktas, kiel plej bonan manieron atingi la kongresejo.

Kiel iri de la flughavenoj al la metroo

De la Internacia Flughaveno de San-Paulo (Cumbica), en la najbara urbo Guarulhos, oni povas preni buson antau la flughaveno.

En la flughaveno, eblas preni buson kiu nomiĝas Airport Bus Service. Estas du eblaj linioj: Linio Tietê/ Barra Funda, komforta buso, kiu iras al la metrostacioj/bustacidomoj Tietê kaj Barra Funda, horaro ĉe la retpaĝo http://www.airportbusservice.com.br/ Ĝi estas pli kosta, sed oni vojaĝas en komforta seĝo. La bileto kostas R$ 33,00. Mi rekomendas ĉi tiun buslinion por la maljunuloj.

La alia opcio, malplikomforta, estas simpla buso ankaŭ nomata Airport Bus Service (linio 257 aŭ 299), kiu iras al la metrostacio Tatuapé (ruĝa metroa linio). La bileto kostas R$ 4,00 sed estas malmulte da seĝoj kaj oni povas vojaĝi piede (tamen, la vojaĝo estas tre rapida). http://www.emtu.sp.gov.br/linha/resultado_imp.htm?numlinha=16890
http://www.emtu.sp.gov.br/linha/resultado_imp.htm?numlinha=16759

De la metrostacioj Tatuapé kaj Barra Funda oni prenas la metroan ruĝan linion. La stacio Marechal Deodoro, en tiu linio, estas proksime de la kongresejo. De Barra Funda ankaŭ eblas iri piede al la kongresejo. Mapo 

Por iri al la Komunaj Logxejoj, vidu la aliajn publikajxoj en cxi retpagxo, verkitaj de Fernando Maia. Mapo de la metropola fervoja transportsistemo, tio estas, Metroo, ViaQuatro (privata metroa entrepreno) kaj CPTM (trajna transportsistemo) elsxuteblas cxi tie.

De la Flughaveno Congonhas.

La metrostacio plej proksima de ĝi nomiĝas São Judas (blua linio). Por alveni en la metrostacio, eblas preni buson (R$ 3,00) antaŭ la flughaveno (pluraj linioj iras rekte al tiu stacio. Antaŭ la buso oni vidos la simbolon de la san-paŭla metroa kompanio anstataŭante la nomon "São Judas". Profitu por viziti la preĝejon apud la metrostacio, ĝi estas tre bela!).

Ĉiuj buslinioj kiuj uzas la simbolon de la metroo antaŭ la nomo de iu haltejo iras al iu metrostacio.

Ankaŭ eblas iri per taksio. La stacio São Judas estas proksime de la flughaveno kaj, pro tio, taksio malmultekostas. Se estos aliaj homoj por dividi la koston, la taksio estos malplikosta po homo ol la buso.

Ĝis tuj!

Rafael Henrique Zerbetto

Respondeculo pri BEJK-programo

Informoj - Komuna Loghejo 1 - Hostelo Saci

Karaj kongresanoj, se via komuna loghejo estas "Saci", jen informoj:

Komuna Loghejo 1: Saci Hostel (R$ 35,00/nokto)

Saci Hostel: http://www.sacihostel.com/

Adreso:

Strato Veríssimo Glória 86 – Kvartalo Perdizes
São Paulo, 01251-140, Brazilo
+55 11 3862-5792

Inkluzivite: matenmangho, senkabla interreto, naghejo, drinkejo, paga TV, litotukoj.

Banchambroj kaj necesejoj: unu enchambra banchambro (5-lita chambro), 3 kolektivaj eksterchambraj banchambroj; unu necesejo. La banchambroj/necesejoj estas purigitaj dufoje tage, unufoje matene, unufoje vespere. Varma akvo.

Parkejo: ne estas, tamen eblas parki sur la strato de la hostelo, kie estas normalaj vakoj; sekura loko.

Bantukoj kaj litotukoj: la hostelo havas nur 30 bantukojn - envere ili havas 60 bantukojn, tamen parto iras al la lavejo, dum parto restas en uzo en la hostelo. Do tiu, kiu povas, bonvolu porti propran bantukon. Estas litotukoj sufichaj por chiuj gastoj.

Metroo: Stacidomo Sumaré (3-minuta piedirado, vidu mapon)

Iri kaj reveni de la loghejo al la kongresejo:

Per auto: 7-8 min. (iro), 7 min. (reveno)

Per buso: 16-18 min. (iro), 13-14 min. (reveno)

Piede: 28-31 min. (iro), 31-34 min. (reveno)

Kongresejo (Faculdades Santa Marcelina):

Strato Doutor Emílio Ribas 89 – Kvartalo Perdizes
São Paulo, 05006-020, Brazil
Metroo: Stacidomo Marechal Deodoro

Se necese, alvoku min, Fernando, per tiu numero: +55 79 8131 7084. Mi ne scias chu mi povos ja helpegi, sed mi provos!

Plej freŝaj novaĵoj pri la kongreso

Saluton al ĉiuj!

La kongreso alvenas kaj LKK freneze laboras por pretigi ĉion. Ankoraŭ estas vakaj lokoj en la Komuna Loĝejo 2 - Casa Club, en la kvartalo Vila Madalena. La KL estas en la koro de la san-paŭla nokta vivo kaj ĉirkaŭata de bonegaj drinkejoj kaj mojosejoj. Se vi ankoraŭ ne aliĝis, kion vi atendas? Sendu mesaĝon al nia kasisto, Fernando Maia Jr., fmaiajr CHE gmail.com, kaj mendu vakon tie! Pliaj informoj (portugale) ĉe http://bejk2011.blogspot.com/2011/01/alojamento-comunitario-para-o-bejktake.html.

La solena malfermo de la kongreso okazos sabate, la 9-a de julio, je la 20-a horo en la aŭditorio de la kongresejo (Fakultato Santa Marcelina). La neoficiala programo de BEJK komenciĝos tuj poste.

Estos budoj en la halo de kongresejo, kie eblos aĉeti la famajn ĉemizojn de Bira kaj Amarílio, la pingloj de Joyce, libroj de pluraj esperantaj librovendistoj, ktp. Sed ne nur! Ankaŭ estos budo de BEJO, kie oni povos surloke aliĝi al nia organizo kaj subteni la junularan esperantan movadon. Ni estos pretaj por informi vin pri la venontaj aranĝoj organizotaj de BEJO, ĉefe pri la venonta NOVA.

Ni ankaŭ intencas vendi brazilaĵojn tie, ĉefe al la fremduloj kiuj venas al Brazilo kaj volas kumporti tipe brazilajn aferojn al siaj landoj. Nia ideo estas ke BEJO-anoj kumportu produktoj specifaj de Brazilo, preferinde de iu regiono, por vendi ĉe BEJO-budo. Tiel, vi hlpos BEJOn plibonigi la kongreson, faciligi la vivon de la fremdaj turistoj kaj samtempe kontribui por la kreskado de la junulara movado en Brazilo.

Finfine, ĉu vi ŝatas ludi? Do, kumportu viajn ludojn al San-Paŭlo. Ni intencas fari ludejon por ke estu alian opcion al la kongresanoj. Jam estas konfirmita ke disponeblos ŝakojn kaj ludkartarojn.

Kongres-etose,

Rafael Henrique Zerbetto
Respondeculo pri BEJK-programo

Koncerto de Supernova dum BEJK + Fotografia Ekspozicio!

Saluton al ĉiuj!

Du bonegaj novaĵoj por tiuj kiuj intencas partopreni la kongreson ĉi jare: la unua estas ke la rockbando Supernova koncertos por la unua fojo en Brazilo, ĉe Dinossauros Rock Bar, je la 13-a de julio. La koncerto estas oficiale anoncita en la retpaĝo de Supernova. Sed ne nur Supernova koncertos ĉe Dinossauros: ankaŭ Tone, la repisto, sinprezentos dum tiu nokto, ĉar temas pri BEJO-arta vespero. Pliajn detalojn troviĝas ĉe http://www.supernovaeo.com/2011/06/supernova-koncerto-dum-take.html. Se vi estas artisto kaj volas sinprezenti dum tiu neforgesebla nokto por la brazila esperantista junularo, proponu vian prezentadon al la organizantoj, pere de la retejo de Supernova.  BEJO dankas al LKK por subteni la luon de la koncertejo.

La dua novaĵo estas la nekonkursa fotoekspozicio enkadre de la unua Esperanta Kinofestivalo. Se vi estas fotisto aŭ fotoŝatanto, profitu la okazaĵon por montri vian laboron. Pliajn detalojn ĉe http://kinofestivalo.org/news/200/. Neforgesu ke ankoraŭ eblas sendi filmetojn por partopreni la kinofestivalon. La limdato por sendado de filmoj aŭ fotografioj estas la 20-a de junio.

Amike,

Rafael Henrique Zerbetto
Kunordiganto de fotoekspozicio

Ĉu vi volas prelegi ĉe BEJK?

Ankoraŭ eblas sendi proponojn por prelegi, instrui aŭ organizi iun aktivaĵon en BEJO-ĉambro por la du lastaj tagoj de la kongreso. Estas necesa nur sendi proponon al la respendeculo per la retadreso rzerbetto@gmail.com kune kun rezumo pri kion vi prezentos (maksimume 5 linioj), vivrezumon (1-2 linioj) kaj portreton por la programkajero.

Gravas ke prelegontoj estu aliĝitaj en la kongreso. Tio eblas fari per la retpaĝo http://www.kongreso2011.org/aligilo.php

La LKK proponas, ke prelegontoj pagu surloke sed almenaŭ anticipe aliĝu, por pli taŭga servo al la kongresanoj. La subita kresko de aliĝoj surloke malhelpos eĉ la fruajn aliĝintojn, ne garantios sufiĉan materialon ktp. Neprelegontoj kiuj loĝas en Brazilo devu pagi antaŭe, prefereble, aŭ aliĝi surloke kontraŭ pli granda sumo.

Viaj sugestoj por BEJK-programo ankaŭ estos tre bonvenaj. Helpu nin organizi bonegan kongreson por VI!

Brakume, via

Rafael Henrique Zerbetto

Respondeculo pri BEJK-programo

KER-Ekzamenoj dum la kongreso

Je la 12-a de julio okazos ekzamensesion de la KER internacia ekzamensistemo de esperanto. Katalin Kováts prelegos pri KER-ekzamenoj je la 10-a de julio dum TAKE. Tiu ekzameno konstruiĝis baze de la eŭropaj normoj, do, ties atestilon oni oficiale agnoskas kaj traktas kiel la aliajn lingvoekzamenajn diplomojn, akreditigitajn de ALTE.

Por pliaj informoj kaj aliĝo, vizitu la paĝon pri ekzamenzesioj de KER-Ekzamenoj ĉe Edukado.net: http://edukado.net/ekzamenoj/ker/sesioj.

Por prepariĝi por la ekzamenon aŭ elekti kiun nivelon postuli, elŝutu ekzamenspecimenojn tie: http://www.itk.hu/index.php?id=334&fomenu=322&menu=334&lang=ept.

Ne maltrafu la oportunon pruvi vian esperantan scipovon kaj havi internacian atestilon pri ĝi!

Rafael Henrique Zerbetto

Respondeculo pri BEJK-Programo

BEJK-Programo: Revuoj Kontakto kaj Momenton

Saluton al ĉiuj!

Kompreneble, la oficialaj organoj de BEJO (Momenton) kaj TEJO (Kontakto) ne maltrafos nian kongreson!

La redaktisto de Kontakto, Rogener Pavinski, prezentos la revuon al la partoprenantoj de la kongreso, ĉefe al la junuloj. Estas bona oportuno por tiuj kiuj ankoraû ne konas la revuon solvi siajn dubojn rilate al TEJO kaj Kontakto. Legantoj de Kontakto povos profiti la okazaĵon por fari sugestojn al la redaktejo kaj proponi temojn, artikolojn, ktp!

La redaktisto de Momenton, Rafael H. Zerbetto, prezentos bonegan novaĵon al la brazila junularo: Momenton Intereta! Legu ĝin interete, verku artikolojn por ĝi, sendu mojosajn fotojn por la foto-mozaiko! Momenton intereta estas pli efika por reklami novaĵoj rilate al BEJO-movado kaj artikoloj povas havi videojn kaj ligilojn al eksteraj paĝoj!

Ne maltrafu tiujn prezentadojn!

Rafael Henrique Zerbetto

Respondeculo pri BEJK-Programo

Novaĵoj pri BEJK-Programo: Kursoj kaj Metiejoj

Saluton al ĉiuj!

BEJK-LKK ŝvite laboras por prepari bonegan kongreson por vi.

Ĉi tiu BEJK estos la plej kineja, danke al Aleksander Osincev (RU), de Verda Filmejo, kiu venos al Brazilo por okazigi la unuan esperantan kinofestivalon (klaku ĉi tie por iri al la festivala retpaĝo).

Krom tio, li prelegos du-foje ĉe la aŭditorio, pri kopirajto kaj pri verda filmejo, kaj organizos du metiejojn pri kinarto en BEJO-Ĉambro, unu pri esperanta kinarto kaj alia pri subtekstigado de filmoj.

Por tiuj kiuj ŝatas fotografion, la fotistoj Milene Rinaldi kaj Rafael Henrique Zerbetto (BR) gvidos kurson pri fotografio. La ĉefa objektivo de tiu kurso estas instigi la kursantoj sinesprimi per fotografio. Pro tio, ili lernos iomete pri fotografia teorio, fotilfunkciado kaj ricevos konsiletoj pri kiel plibone uzi siajn fotilojn. Finfine, kursgvidantoj instigos la kursantojn esprimi siajn vidpunktojn pri la esperanta movado per la fotografia lingvaĵo, fotante kongresejon kaj kongresantojn.

La poetino kaj psikologistino Gabriela Andrade da Silva (BR) gvidos kurson pri poeziverkado. Temas pri instrui iom pri poezia stetiko per ludoj kaj praktikaj aktivaĵoj kaj poste instigi la kursantojn verki siajn proprajn poeziaĵojn.

Finfine, Tone (BR), la repisto, instruos pri kapoejro, la brazila luktoarto plej konata en la mondo. Dum la kurso oni lernos pri korpaj movoj kaj muziko (kunkantado, hor-respondado, ritma aplaudado kaj bazaj teknikoj pri berimbao-ludado).


Baldaŭ estos novaj informoj en ĉi tiu paĝo pri prelegoj, prezentadoj, koncertoj, ekskursoj kaj aliaj aktivaĵoj kiuj okazos dum BEJK.


BEJK-LKK estas malferma al viaj proponoj kaj sugestoj. Helpu nin plibonigi ĉi tiun kongreson kaj partoprenu ĝin!

Amike,

Rafael Henrique Zerbetto
Respondeculo pri BEJK-Programo

Alojamento Comunitário para o BEJK/TAKE 2011

Amig@s, a BEJO está quase fechando um alojamento comunitário muito próximo do kongresejo de 2011, em São Paulo. Trata-se do Saci Hostel, um albergue super bacana. Visitem a página: http://www.sacihostel.com/

Nossa representante em Sampa, Mila Rinaldi, visitou o local e aprovou. O albergue tem piscina, drinkejo e espaços para atividades pós-"dia de congresso". São quartos comuns, portanto não haverá quartos únicos (esta é a ideia do komuna loghejo). Os banheiros também são coletivos, como em todo albergue, havendo no entanto cinco banheiros.